朱千雪露纖腰反擊懷孕傳聞 蔣家旻代問：係咪生完啦？

現年33歲的朱千雪與青梅竹馬的醫生老公Justin結婚差不多2年，不時傳出懷孕消息，早前千雪上載一張穿上連身裙，坐在櫈上嘟嘴的相片，她用手遮住微隆的腹部，惹來網民揣測她是否有喜。

今日千雪在社交網上載兩張靚相，與之前孕味濃的相片有好大分別。千雪露出招牌笑容，但焦點卻落到她的纖腰上，穿上黑色貼身裙，騷fit爆身材。好姊妹蔣家旻即留言：「好瘦好靚，我幫人問吓先，#請問你係咪生完啦」。有網民笑言：「咁快坐完月」。家旻再留言：「生完3個啦」。最後千雪亦有回覆：「下次順便幫我答埋，唔該。」雖然沒有刻意澄清，但已令懷孕傳聞不攻自破。