羅敏莊相隔9年再開演唱會 陳國邦拍片為老婆宣傳

羅敏莊（Mimi）將於9月4及5日在九展Star Hall匯星舉行《羅敏莊 Live Alive演唱會》，今次是Mimi相隔9年再次舉行個人演唱會，好友黎瑞恩、黃翊、伍仲衡及李志剛將會擔任演出嘉賓。雖然老公陳國邦身在內地工作，但不忘為太太打氣送上祝福，利用做運動時間，拿着手機邊跑邊自拍，阿邦一句：「我老婆開演唱會，咁大件事都冇人講！」加上一臉焦急、肉緊的表情，似乎為老婆落力助攻宣傳。囡囡陳禎當然不比爹哋遜色，跟媽咪回應爹哋的「咁大件事冇人講」視頻，兩母女合拍的說出開show地點和日期。

Mimi對上一次開騷是9年前的事，當時Mimi宣佈造人成功，今次有女兒見證演出，感受特別深。Mimi透露已為9月個唱作好全面準備，其中要做的是減肥，她信心的說：「為咗演唱會已開始修身，之前影咗一輯好美嘅海報，心情極興奮，呢兩個月嘅日子要努力節食。」除了減肥之外，另一個重要任務當然是為演唱會編排表演環節及選歌，Mimi透露身邊已有一班出色的友好歌手黃翊、小恩子和音樂人伍仲衡 、高世章老師等坐陣，其中一部份Mimi與伍仲衡一齊jam歌兼有點唱時間，她雀躍的說：「點唱環節如果觀眾反應熱烈，可能會唱得比歌單更加多嘅歌曲，只要觀眾即場點，我就即刻唱。」