補祝38歲生日 陳柏宇開心再見歌迷：我認得晒佢哋

陳柏宇（Jason）上月推出專輯《53FPS》，更在期間限定的「Room 53丁方體驗房」，讓樂迷體驗在沒有手機的情況下，如何坦然面對自己內心世界。

本月20日是Jason的38歲生日，大會安排節目，讓Jason與粉絲到Room 53與眾同樂。活動開始以簽名會打頭陣，之後Jason化身「陳醫生」巡房，開假紙給各病人（粉絲），寫著患上：「陳廣偉（Jason原名）忠粉症候群」，因而獲批病假。而Jason的太太Leanne和囡囡陳羿辰（Abigail）亦有前來探班，雖然Abigail年紀少少，但完全不怕陌生人。

Jason說：「今日好開心，主要係因為真係有好多歌迷好耐冇見，有啲係支持咗我好多年，睇住佢哋結婚，有人仲帶埋老公同囝囝嚟，真係好感動！另外，有啲粉絲去咗外國讀書，幾年冇見，見返都仲認到。其實我認得晒佢哋㗎，就算喺街撞見都會認得，但要記埋個名就……俾啲時間我，我應該會諗得起嘅！」