【独家】 廿四孝老窦百忙抽空 陈可辛快闪帮个女买泳帽

首先恭喜陈可辛导演，在今届「香港电影导演会年度颁奖典礼」凭《夺冠》获得最佳导演及电影，该片女主角巩俐荣获最佳女主角，白浪也获最佳新演员，大扫4奖非常厉害。日前，陈导演揸车现身浅水湾商场，此行目的系为佢个15岁囡囡陈是知。
采访:张咏森

之前吴君如拍贺岁片《阖家辣》，陈可辛去探班，前者喺IG Po相，见到两人排排坐喺摄影机后面，当时君如戴上耳筒，似乎一齐睇紧Play back，之后又见到陈导同工作人员一齐食饭盒，君如仲留言：「呢条友特登入嚟片场食crew饭」Hashtag系片场啲饭特别香。

拣唔啱
陪完老婆开工，陈可辛就抽空为个女买嘢。日前见佢揸车去浅水湾商场，一落车就行去运动用品店，喺店内行咗阵就搵到目标，原来想帮个女买泳帽，由于店中选择唔多，只有一款80蚊的泳帽，问吓店员，自己谂咗阵，都系唔买住，然后再行去买热咖啡，买完就上返车离开，全程只逗留半个钟。