父涉姦女罪脫被控夥家人妨礙公正 片段指叔父祖父曾說「驗過屈唔到㗎嘛」

被控強姦親女的44歲父親涉指示家人阻女兒X出庭作供而脫罪，一家五口被控妨礙司法公正及及作出傾向並意圖妨礙司法公正的行為兩罪，今於高等法院續審。控方今在庭上播放片段顯示，父親曾向母親及叔父分別以口型及手勢發出疑似妨礙司法公正的暗示，「司啊、三啊、公正啊，明唔明啊？」

庭上播放的一段祖母於2018年10月8日到覊留室探訪父親的錄像，當日他向祖母展示一份文件，表示X的處女膜沒有損傷、陰道沒有結疤及明顯撕裂，祖母回應「你俾我睇清楚啲先啦，我要同你申辯㗎仔」。父親之後再指，報告顯示X陰道沒有發現精液、精子，只顯示有污積，連勃起釋出的液體亦只是陰性，「無得呃㗎，入咗就入咗㗎喇阿媽。」

父親之後著祖母用紙筆把報告內容抄下來並轉述予家人，並嚎哭形容自己「無做過」、「好淒涼」。

同月13日叔父探訪父親的片段顯示，叔父指，報告顯示「上陰都有啲喎」，父親回應「（精蟲）係以千億條計㗎嘛，依家得86（條）咋。」並指X「傻吓傻吓」，告訴朋友自己的經歷，令案件多一名證人。他亦有向弟弟指「司啊、三啊、公正啊，明唔明啊？你唔咩我就咩㗎喇」及用口型和手勢發出暗號。

另一段母親探訪父親的片段又顯示，他向妻子稱「唔好諗其他，做人要堅定」，之後向她比同樣的手勢指「就係咁喇，你到時就會知你老公。」

控方今在庭上共播放9段影片，錄像顯示，被告指向自己口部並擺出「六」字手勢，祖父不明白意思，被告再於紙上寫上筆記，祖父回應「哦，嗰度。」被告之後稱「總之team work（團隊合作）。第七段片段攝於同年10月27日，被告至少三次挪開電話筒跟祖母説悄悄話。

另一片段中，被告與叔父及祖父解釋，在X陰道內驗到的「污積」可能源於X在觸碰被告的床或紙巾後沾有被告的基因，再清洗自己陰道而致。叔父及祖父一度質疑「好難屈到夾喎照計」及「驗過應該屈唔到㗎嘛」。

最後一段錄像中，從祖父與被告的談話內容可知母親曾建議被告承認控罪，他不忿：「叫我收埋，叫我坐7年，點解你哋去到今時今日都咁話我？有DNA（基因）就代表我做過啊？你自己撩落去唔得啊？」

案件將於下星期一續審。

法庭記者：湯璧瑜

建立時間13:56
更新時間17:41