【東京奧運】越洋視像見愛貓 吳業坤造訪選手村Sidekick晒身手

吳業坤（坤哥）正身處東京採訪後日開幕的奧運，他今日到奧運選手村參觀，更搞笑擺出踢腿動作與奧運五環合照。可能知道大家冇得親自去日本，坤哥影咗選手村好多設計細節，例如木材上刻有不同縣市名稱，連細節都十分精美。坤哥即使不在港都勁努力練肌肉，近日更拒絕拍檔周奕瑋邀請試食便利店「好西」，繼續飲蛋白質飲品。

至於坤哥兩隻愛貓Rabu及Raki就交由其妹妹代為照顧，他留言：「一早起身睇我呀妹玩貓」，只見坤哥妹妹一手揸機，一手拎住「逗貓棒」撩Rabu玩，相信貓奴坤哥一定好掛住兩隻貓。