【保錡都出聲】 Agent L拍安全套廣告 網民集氣：出真人教學live

以Mike導為主腦的「無制限OT編集団」一直與MIRROR合作無間，最近因為《ERROR自肥企画》節目播出後， 不單成功令MIRROR自肥，連帶「格仔導演」Mike和測試專員Agent L等人從幕後走到幕前，果然為不少人帶來了新希望！

Agent L最近又再下一城，今次他被邀拍安全套廣告，全條廣告片可謂沒有太多花巧情節，只有Agent L和塑膠洋娃娃，即使Agent L裝備十足，但偶一不慎搞出了一命，由揸鎗變揸奶樽，所以提醒大家要玩得Secured！廣告片段曝光後，肥仔和保錡留言，其中保錡說：「啲job又比你做晒，安全套都俾你賣埋！」亦有網民笑說：「會唔會出真人教學live？」他的女友Elsie亦留言幾個冇表情的emoji，有人笑問她：「secured or not secured?」

另一方面，成日廣告界紅人的Mike導，最近又被邀拍口腔護理產品廣告，今次選擇去了懸崖邊拍廣告，期間更出動航拍，RainP寸Mike導的廣告「冇創意」，「大海男兒」上身的Mike導說：「有陣時創作就係咁，冇靈感就係冇靈感，係迫唔到，你知唔知喺呢段時候可以點做？」結果Mike導出動航拍：「喺呢啲時間，我哋可以用壯麗嘅風景去瞞騙觀眾，仲有客戶，等佢哋覺得睇完呢條片之後，都好似有啲嘢可以拎得走！」有人隨即說：「最尾航拍機拍嘅景….贏晒，估你唔到，作為觀眾點會唔收貨！」「平時youtube skip廣告，而家明知係廣告都撳入嚟睇！」