新歌MV飾演異能人拯救朋友 鄭秀文汗與淚成就《新造的人》

天后鄭秀文（Sammi）以「異能人」造型拍攝新歌《新造的人》MV，由電影界美術大師梁華生（James）任導演，其中一個比喻「母胎」的場景花了六天搭建，拍攝超過20小時。

Sammi以多個造型演繹拯救朋友的異能人，她坦言非常喜歡「母體」場景：「每個人出生前都唔知道外面嘅世界係點樣，有好多未知數，但又好似早已寫喺生命冊內，呢一幕令我印象最深刻。」至於另一幕淋雨戲亦令Sammi很有感覺：「淋雨對我意味生命嘅洗禮，當係雨水又好，淚水又好。每個人經過呎啲種種嘅洗煉之後，最終就會成為一個新造嘅人，雖然呢一幕開始係雨水，但對我嚟講既係汗水又係淚水。」

今次新歌由Rapper Shimica作曲，她與Sammi前年於《#FOLLOWMi》演唱會中首度合唱，並成為好友。當Sammi第一次聽到Shimica這首歌的Demo時立即愛上，花了足足兩年時間物色歌詞，結果周耀輝、郭啟華和朱琳合寫的這份詞最能打動她。