高山反應要入院吸氧氣 陳貝兒報平安：感覺好多了

陳貝兒返內地三個月拍攝旅遊節目，日前去到川藏高原取景時出現高山反應，要送到當地醫院接受治療。貝兒在社交網上載一張插住鼻喉吸氧氣的相片，留言：「高山反應，頭劇痛，呼吸有壓力。聽醫生話休息一下。」

她昨日再報平安，表示感覺已好了很多，她說：「多謝大家關心。喺醫院吸完氧氣，感覺好多了。藏族醫生話好彩有及時處理，仲話安慰我話其實處於高海拔4千幾米有高山反應好普遍，提醒我空氣稀薄所以一切都要慢動作。藏族朋友沖咗酥油茶俾我舒緩同埋攞咗好多補充劑俾我，仲提醒我唔好洗頭以免感冒引發高原肺水腫。會聽話。監製同拍攝團隊都會睇住我，車上亦準備咗手提氧氣俾我。」

據悉貝兒已經出院，將於21日返香港，但隨即又要出發到日本東京，準備主持7月23日的開幕典禮，認真行程緊密。