出道一年獲廣告客戶喜愛 「Baby師妹」Mandy：喜歡做同演藝有關嘅工作

有「港版朴敏英」之稱的譚旻萱（Mandy）早前加盟Cool Style旗下成為小師妹，入行短短1年多已經獲得大量廣告客戶垂青，成功攻陷網民的心，IG的followers急升。師姐Angelababy是法國時裝品牌大使，最近Mandy也同樣受加持，昨日獲邀到中環期間限定店擔任嘉賓。

對於獲得廣告客尸的厚愛，可能與率真有禮的討好性格有關，Mandy說：「我性格好鍾意對人，入行後都適應得幾快，我鍾意呢行有唔同種類嘅人，大家嘅故事都唔同，好有趣。」知名度日增，Mandy謂感恩接拍了Edan的MV，現時在街頭也經常被人認出，她笑說：「Edan有一定知名度，畀機會我拍到呢個MV，大家會識埋我，好感恩有呢個機會，近排喺街都有人認得。」她續說：「我入行冇幾耐，我求嘅唔係attention，我係想識多啲、見多啲，屋企人畀我自由地做自己想做嘅嘢，我寧願見多啲個世界多過買樓，雖然買樓都想嘅，呢個係理想生活，不過要慢慢嚟。」

性格直率的Mandy還說：「其實我鍾意拍MV多啲，廣告要嘅係簡單靚就得，冇咩故事，冇咩需要發揮，邊個角度靚，點樣帶出品牌獨特嘅地方，我大概掌握到，所以我都係喜歡做同演藝有關嘅工作，我會喺生活上扮吓呢樣扮吓嗰樣，扮黑社會，我會更加有興趣。」