周聰上台險仆倒 謝賢叫林家棟「大阿哥」

謝賢（四哥）、林家棟、鍾雪瑩、周聰等今晚出席新片《殺出個黃昏》首映，周聰上台時險些仆倒，幸家棟眼明手快扶實他。受訪時，家棟透露專誠將新片送到四哥家中，踢爆四哥已經欣賞了數遍，四哥笑說：「如果佢唔送過來，我就唔睇，現在都只係睇自己演出嘅部份。（滿意嗎？）諗唔到如此滿意，認識家棟時仲係個𡃁仔，而家已係演員同監製，做咗大阿哥，我都只係四哥咋，哈哈！」家棟笑說：「我犀利呀，我開通宵嘅，叫7仔！當年演《新上海灘》舞台劇，四哥嚟探班，只叫我扮佢要扮得好啲，講完就走咗。」

四哥說話向來百無禁忌，他大吉利是說：「我專登唔死就係為咗拍家棟。（家棟搵你會再拍？）我唔做啦！退休喇！我話退休又要搵我，唔退休嘅話，佢哋就唔搵我，哈哈！（想跟霆鋒父子檔合作？）唔好喇，費事畀佢威晒，我唔同佢拍。」他又謂婷婷身在加拿大，自己已見過外孫女。

此外，首任女主角的鍾雪瑩直言一開始不敢跟四哥㭈談，直至他為角色脫下黑超後，才發現他很好傾，更經常請大家食蛋撻飲汽水，笑問有否被四哥罵？她表示沒有，大讚四哥不會擺前輩款教新人演戲，讓他們自由發揮。