周聪上台险仆倒 谢贤叫林家栋「大阿哥」

谢贤（四哥）、林家栋、锺雪莹、周聪等今晚出席新片《杀出个黄昏》首映，周聪上台时险些仆倒，幸家栋眼明手快扶实他。受访时，家栋透露专诚将新片送到四哥家中，踢爆四哥已经欣赏了数遍，四哥笑说：「如果佢唔送过来，我就唔睇，现在都只系睇自己演出嘅部份。（满意吗？）谂唔到如此满意，认识家栋时仲系个𡃁仔，而家已系演员同监制，做咗大阿哥，我都只系四哥咋，哈哈！」家栋笑说：「我犀利呀，我开通宵嘅，叫7仔！当年演《新上海滩》舞台剧，四哥嚟探班，只叫我扮佢要扮得好啲，讲完就走咗。」

四哥说话向来百无禁忌，他大吉利是说：「我专登唔死就系为咗拍家栋。（家栋搵你会再拍？）我唔做啦！退休喇！我话退休又要搵我，唔退休嘅话，佢哋就唔搵我，哈哈！（想跟霆锋父子档合作？）唔好喇，费事畀佢威晒，我唔同佢拍。」他又谓婷婷身在加拿大，自己已见过外孙女。

此外，首任女主角的锺雪莹直言一开始不敢跟四哥㭈谈，直至他为角色脱下黑超后，才发现他很好倾，更经常请大家食蛋挞饮汽水，笑问有否被四哥骂？她表示没有，大赞四哥不会摆前辈款教新人演戏，让他们自由发挥。