3歲Lucy 浮功了得 李燦森讚囡囡唔着救生衣都可以浮

45歳的李璨琛上半年長駐內地開工，自上月返港之後，經常抽時間陪伴寶貝女李元元（Lucy）。今日兩父女又一齊出海，身穿救生衣的Lucy 非常大膽，大字型攤在水面學浮，在旁邊傍實的李璨琛也大讚女兒：「叻叻！」

3歳的小網紅Lucy，樣子可愛，行為趣怪。今早Lucy 媽在IG上載了她的扭計片段，片中的Lucy嚷著要出街食lunch ，被媽媽拒絕後，Lucy 秒速爆喊：「我要去街街呀！」，十分搞笑。一向幽默的Lucy 媽望住女兒喊樣，更取笑她「秒變杏璇」，相當抵死！

直到下午，又輪到李璨琛上載囡囡出海片。片段中Lucy 在爸爸陪同之下，大字型攤在水面，好識歎！李璨琛亦留言指囡囡：「未學游先學浮」，又取笑她：「相信唔使着救生衣都可以浮在水面」。唔少網民睇過Lucy 學浮水後都讚她：「叻女，夠膽色！」，更套用Lucy 的金句：「真係不得之了！」