麥秋成為孖8徒弟主動離隊感失望 Timothy：舞蹈生涯的轉捩點

TVB真人Show《盛‧舞者》昨晚播出第六集，麥秋成率領的「TX Crew」因輸了Crew Battle要Foul人，結果孖8徒弟Timothy自覺「唔夠班」主動要求離隊。對於Timothy的決定，麥秋成直認失望：「我畀咗三次機會，佢都話要走…一個團隊要繼續行，心態好緊要，我知道佢係自我犧牲，但有時候要進步係要自己爭取。」Timothy亦說：「我覺得我離開大家可以行得更加遠，始終有一個人要走。但我承諾我自己，喺跳舞上一定繼續進步！」

昨晚Timothy亦在社交平台留言稱「一切既安排都係最好嘅安排」，他覺得淘汰並不代表放棄或失敗，反而認為是一個發現和了解自己機會，在比賽過程內，他發現了自己很多缺點，同時亦承着前所未有的壓力，令他沒有辦法完全享受同發揮到自己，但從孖八、秋成和Louis身上，發現跳舞原來在他的人生入面是很重要，所以他覺今次是舞蹈生涯的一個轉捩點：「我相信有心唔怕遲，最怕你由頭到尾冇努力過，我慶幸比賽令我搵到，我人生真正想追求嘅事。」

在今晚播出的第七集，新一輪以「The Story」為題的大對決即將展開，王君馨、秋成及狄易達隊，分別演出「珍惜」、「皇者」及「初心」為主題故事的舞蹈。首輪對決中獲得最低分數的達仔隊，第二輪對決將獲得極高評價；君馨隊則繼續玩吸睛以「街霸」造型上陣，大有潛質成為新一輪贏家！