睇完網球賽再睇歐國盃決賽 湯告魯斯精神唔錯同碧咸勁好傾

正於英國拍攝《職業特工隊7》的湯告魯斯（Tom Cruise），上周六現身溫布頓球場欣賞男子及女子溫布頓網球賽，還跟《職》片緋聞女友Hayley Atwell和拍檔Pom Klementieff同行。香港時間今日凌晨三點上演英格蘭對意大利的歐國盃決賽，靚佬湯再入場睇波，同場還有碧咸（David Beckham）、英國名模Kate Moss、葡萄牙名宿費高（Luis Figo）、威廉王子夫婦及大仔喬治王子，靚湯佬跟碧咸在觀眾席雞啄唔斷，可惜英格蘭在射12碼中以2比3敗於意大利，失去奪冠機會，無法再創造歷史。

《職7》今年6月再次有工作人員因染疫而停工兩周，有傳靚佬湯是其中一名染疫者，但見靚湯佬連日睇球賽，精神相當唔錯。