港味韓國驚慄片《採魂邨》 玩家居怪事小心唔敢返屋企

韓國驚慄創意新作《採魂邨》在公開預告後短短3日，已獲超過70萬觀看次數及1萬則留言，被傳媒喻為今夏恐怖片的黑馬，戲名真係改得好好。

製作團隊希望觀眾睇完《採魂邨》由戲院內嚇到戲院外，電影糅合了港味驚慄，從日常生活切入，在每個人都會遇過的居家怪事中滲入靈異元素，恐怖程度直逼港產同類經典《見鬼》！

深夜聽到的樓層噪音、電梯中遇到的詭異怪人、甚至牆上的霉跡，原來都可以是凶靈纏身的先兆；電影中的大樓間格和走廊等亦和香港屋邨十分相似，睇完戲分分鐘唔敢返屋企。

戲中一棟長期出租的「光林公寓」有一個傳聞：「只要一入去就會有可怕的事發生！」網絡恐怖漫畫家智宇（盛駿飾）為求交稿，膽粗粗走到這棟神秘大廈取材。從管理員口中得知，公寓曾發生過嚴重火災，好多小孩慘死，此後便開始出現多宗詭異事件；更心寒的是，多名住客遇上怪事之後都會人間蒸發，彷彿被這棟公寓吞噬一樣。隨著智宇愈來愈接近真相，女友多海（金寶羅飾）開始察覺不妥。

電影於7月29日上映。