【Juicy叮】鯁魚骨私家診所就醫被打發 公院求醫獲優待網民大讚有醫德

遇到好醫生並不是必然！有網民分享，之前因媽媽吃東西時鯁魚骨，故此到私家診所求醫，惟醫生「求其」看診便了事，及後網民到公立醫院求醫，醫院醫生細心為媽媽檢查，令網民十分感激，更大讚醫生有醫德，惹起其他網民熱議。

網民以「公立急症室──好人好事」為題，在討論區「親子王國」發文，首句便指「我要為我媽媽遇上良醫感恩！」樓主表示，家母星期一晚上進食時不小心鯁魚骨， 「食住魚尾睇電視吹水」，僅吐到一條魚骨出來，但感覺尚有另一條魚骨藏在喉嚨側旁。

樓主見狀立刻帶媽媽到私家診所就醫。然而，醫生叫媽媽抬頭檢查一會後，便表示未能見到喉嚨內尚有魚骨。由於媽媽十分清楚魚骨的位置，故此樓主懇請醫生再為媽媽檢查清楚。樓主說：「佢都求求其其話冇，就咁開啲消炎止痛藥，打發我媽，跟住就趕住收工。」

三日後，由於媽媽不時感覺到有一個位置突然有針拮，故此樓主就帶媽媽到將軍澳醫院急症室排隊求醫。由於媽媽的緊急情況被分流至最低級，等候期間，姑娘不時會主動關心媽媽，溫柔提醒媽媽須要觀察情況，若突然呼吸困難要墮即示意。

媽媽等了3小後，被分發到由一名年輕男醫生為她就診。樓主指，醫生十分細心地安慰媽媽，並讓她含著麻醉成份的藥物，便為她開始檢查：「呢位仁醫後生仔叫我媽瞓喺床度慢慢、慢慢搵。仲講定，如果最後搵唔到，就寫紙畀佢今朝去照胃鏡，令我媽咪好放心。」

不用兩分鐘，醫生替媽媽夾出條長又幼的魚骨，更開玩笑問媽媽「想唔想攞返屋企」，令樓主及媽媽哭笑不得。媽媽亦當場感激萬分，盛讚其醫德。樓主亦指，預備寫咭致意讚揚該名醫生。

帖文引起網民熱議，不少網民認同公立醫院有很多好醫生：「公立醫院無論邊一科都好多好醫生㗎。因為我家人出入醫院好多次，胸肺科、腸胃科，精神科等，真係八九成醫生都好有醫德同會關心人」、「多年來，睇過骨科、 皮膚科、兒科、眼科， 水準都中上， 亦無遇過什麼無禮的對待，睇私家一樣睇下好唔好彩」。

亦有網民指，公立醫院資源少，願意留下的醫護普遍較好：「其實留响公立醫院工作嘅醫生絕大多數都係仲好有passion 同有醫德」、「公立醫院，其實醫生，姑娘等等都好好，只係政府比佢地資源太少，做到cc下，所以好多盡量走得都走」、「做公立醫生真係好辛苦，留係度又咁細心，真係好有使命感！」不過亦有網民表示，公立醫院醫護普遍態度差：「樓主好好彩，公院好少咁有禮貌，通常態度勁差當你仇人咁」。