【Juicy叮】上車客買單邊樓被同事話蠢 網民：最重要自己住得舒服

置業是人生大事不少人都想分享，旁人恭賀都還好，若然是潑冷水則令人不悅。有網民在「香港討論區」發文指，好不容易上了車，購入一層單邊樓單位，「好開揚好光猛，我自己好滿意。」

發文者指，「但有個同事知道咗之後，就話我蠢，連單邊樓都買，話單邊樓風水差。」發文者十分無語，「其實我都唔知點解佢咁講，始終我唔熟風水，真係風水差啲咩？」

單邊樓是指樓層無雙連的單位。有網民數出好處，「單邊樓會多隻窗光猛啲」、「開揚私隱度高，點會差」。不過也有人指，「常理去睇，單邊多啲外露表面，太陽曬就熱啲，外牆爆裂同漏水機會高啲，同天台一樣」

有網民就指，「你已說出重點。你同事又無份供， 又無份住， 佢嘅意見有咩份量?再講， 風水要夾人， 佢話唔好時， 你亦可以話好到不得了， 反正大家都係斷估。」、「自己鍾意，價錢合理就ok，咪鬼理人地囉」、「香港地，有乜嘢好過有自己嘅安樂蝸。」

也有人懷疑同事是否出於眼紅才潑冷水，「你同事買咗樓未先，未買就唔駛聽咁多。」、「最蠢係話畀同事知」

帖文轉載自《買咗單邊樓，被同事話我蠢... 》