同細36年男友仔拍拖愈嚟愈自信 62歲麥當娜呢期玩露點放題

62歲嘅樂壇天后麥當娜，自從跟年輕36歲的Dancer男友Ahlamalik Williams拍拖後愈變愈癲，塊面愈嚟愈膠，口唇愈嚟愈厚，上圍亦反地心吸力地不正常發大，自覺靚咗後生咗女神咗嘅麥嬸嬸之前特別拍咗條短片宣揚愛與自由，片中嘅佢玩得好癲，又紅髮又粉藍髮又粉紅髮，啲衫唔係透視就係網狀，入面係Bra，巨胸任睇。之後又喺紐約夜店玩快閃，着皮裙加網衫再加真空露大點，「麥胸胸」放題睇到都幾滯。

麥嬸嬸好欣賞自己呢期嘅新造型，喺IG Po咗8張相，就係之前短片嘅靚相版，表情唔係咀唇半張就係嘟咀，62歲仲咁Wild，可能想拉近同男友仔嘅距離，話晒爭36年，明嘅。