【識貨】陳嘉佳緊張到放臭屁 張秀文幫拖自爆冇剃腳毛

TVB真人競技綜藝Show《識貨》一連兩晚播出準決賽，有得留低的「見習主播」黎諾懿、黃頌明、陳自瑤及陳嘉佳（細細粒）分別請來陳敏之、阮兆祥、楊潮凱及張秀文拍檔助陣，爭入決賽最後兩個席位。
黎諾懿與陳敏之、黃頌明與阮兆祥在昨晚播出的一集已出場，今晚輪到陳自瑤與楊潮凱、陳嘉佳與張秀文直播帶貨。陳自瑤繼續做「緊張大師」，幸好拍檔潮凱夠淡定，不停幫她補位，還戲精上身七情上面幫忙拉票。
至於被視為大熱的細細粒，與好友張秀文全程猶如精神分裂，一時歡喜冤家吵不停，一時默契十足唱雙簧。可能擔心大熱倒灶，細細粒明顯未如之前淡定，臨出場前緊張至放臭屁遭張秀文嫌棄，直播帶貨期間又犯下嚴重錯誤，幸而張秀文夠醒目補鑊。

盛裝打扮幫忙拉票的張秀文，為了以最佳姿態示範產品，更不顧儀態兼自爆沒剃腳毛，震撼全場。事後細細粒坦言全靠張秀文為她增添勝算：「我有啲技窮喇，始終呢個係一個綜藝節目，用我帶貨嘅經驗去做大家會睇得好悶。因為秀文做過好多綜藝，佢有返嗰個節奏。」