《識貨》直播監場狂試玩試食 王祖藍發福肚腩俾李亞男嫌棄
2021-06-24 07:00 
TVB綜藝節目《識貨》由鄭裕玲、鄭衍峰及孔德賢主持，8位「見習主播」陳自瑤、黎諾懿、陳嘉佳、何遠東、黃建東、蔡國威、路芙及黃頌明要靠口才、轉數、人緣等說服現場觀眾「入貨」！眾人會輪流拍檔在「Big Big Shop」實戰帶貨，以超抵價益家庭觀眾，首席創意官王祖藍在每晚直播前兩小時與當日主播對稿，更逐件產品試玩試食，四處格價。
似乎肥了不少的祖藍，全晚不斷「偷食」，即使遭路芙喝止仍露出得戚表情。他笑言：「我老婆好嫌棄我個中佬肚腩，所以不斷催促我減肥。同埋佢好想見到我有腹肌，不過我已經叫佢死心㗎喇！（平時係咪精明消費者？）都算係嘅，我本身好鍾意買嘢，啲朋友都當我係Sales。一用到同食到好嘢，就會第一時間推介畀大家。」
昨晚（23日）播映的一集中，眾人群起杯葛黃建東，更提出「三大指控」，連嘉賓張秀文也加入戰團，「就算我唔係參賽者，我都唔想揀黃建東！」各人繼續各出奇謀，黎諾懿更揚言：「如果出面搵到平過我哋嘅貨，我成罐食咗佢！」《識貨》逢星期一至五晚10點半播映。
關鍵字
最新回應