出席牀品活動大晒白滑美腿 溫碧霞對港澳通關在望感興奮

54歲溫碧霞(Irene)日前出席無錫牀品活動，大騷白滑美腿獲讚係保養得宜嘅「女神」。

對於澳門與香港早前達成共識，若香港連續28日沒有本地新冠病毒個案，可循序漸進分階段開展兩地免檢疫通關。呢個消息對經常周圍去拍嘢嘅溫碧霞嚟講相當興奮：「雖然十劃未有一撇，但好希望能夠成功通關啦！以前返內地做嘢，點忙都可以抽空返港1、兩日，返屋企見吓囝囝及老公，瞓吓屋企張牀嚟叉電，但近年因為疫情，上年足足滯留喺內地大半年，搞到有Home sick(思鄉病)，希望生活快啲回復正常軌道！」