人妻齊晒泳衣Look　吳日言騷事業線賀囡囡入第一志願

夏天來臨大家紛紛出海，已為人母的楊愛瑾（Miki）日前偕老公帶埋一對仔女去船P，兩公婆仲Sweet共用一塊直立板（SUP），她留言：「踏入夏天，距離我做👩（黑珍珠）的日子漸漸靠近，我呢個廿四孝媽打安排了無數戶外和水上活動給他們（指老公與子女），一於齊齊👧🏾👦🏾👩🏾👨🏾（曬黑）」相中坐在船上攬住大仔Luken的Miki，穿黑色低胸長裙更不經意地露出事業線。

另邊廂，同樣已為一女之母的吳日言（Yan），近日亦攜同兩歲半的女兒「Bea」林禧茹（Beatrice）去泳池玩水，一向身材豐滿的她更大方以Low cut一件頭晒3吋事業線及長腿，但就圖文不符，自爆囡囡本來今年冇幼稚園收，搞到她幾唔開心，Yan說：「可能自己個女表現唔好，但始終佢係細B，表現一定冇咁出色。後來得到陳修女推薦，最終都成功入讀幼稚園。」並謂凡事不要灰心，最緊要一家人一條心，她興奮續道：「世事嘅嘢真係講唔埋，我居然收到第一志願幼稚園嘅電話，佢話收我哋個女讀K1，我老公開心到叫咗出嚟！」