【揸棍波雞手鴨腳】袁偉豪緊張「二奶」對老婆發惡　張寶兒死撐：係語氣重唔係鬧

張寶兒今日出席明珠台《光影時刻星期日》宣傳活動，提到早前於個人頻道分享首次開棍波車上路的影片，顯得雞手鴨腳，問是否應付不來？她笑言會慢慢進步，始終老公袁偉豪（Ben）的愛車車況不同，上路會不習慣。是否嚇怕他不再借車？寶兒笑道：「佢係唔係都驚，車係佢另一個老婆。（呷醋？）識佢第一日已經知道。」並笑指老公開車比較嚴謹，是語氣強些，但不是罵她，當時她考棍波車及電單車牌時，Ben都想跟在後面，但被教練拒絕，因會令她上路時緊張。

寶兒稱目前已經追平老公的車牌數目，但對方卻有意再考巴士牌，因想體驗開大車的感覺。對於Ben主演的劇集《刑偵日記》已在內地平台播出，她表示父母都有追睇，他拍攝時也有分享是令人心寒的角色，而她讀書時有接觸催眠師，因此也有與對方分享心得。活動上，寶兒又透露有寫日記的習慣，她表示：「嘈交都有記低，只要係重要嘅事都會記低。（怕老公睇？）佢唔鍾意睇字，佢有心意睇我都開心。」