歌迷高呼「撐你」 Supper Moment開騷台上台下喊成一片

一連兩場《Supper Moment 一直相信演唱會》昨晚於九展舉行，全場爆滿。今次他們選擇少說話、以歌會友，每一part歌單都藏了心聲。當唱到《同一》時，全場觀眾起立和唱支持，場面感人，連場邊的不少工作人員也眼濕濕，之後Sunny向大家打招呼，並聲嘶力竭連喊3次「我哋係Supper Moment！」；歌迷亦高呼「好掛住你哋！」、「愛死你」、「Supper加油」、「撐你」回應。
Sunny表示：「雖然隔住個口罩，我都感受到你哋個笑容。好耐冇見！你哋狂叫我喺會鍾意聽，喺到非常多謝大家支持…我知道！唔容易！」觀眾馬上掌聲狂響大叫「撐你」。Sunny忍不住閃着淚光說：「唱到《尋回一碗湯》，我諗起好多嘢，諗起我老婆，諗緊呢隊band行咗15年，呢15年喺你哋覺得失意時，我哋嘅音樂無意間支持咗大家…數吓數吓好長時間，原來你支持對我哋來講，同樣重要。呢兩年疫情大家靜咗落嚟，先知原來幾掛住呢種感覺、掛住喺台上感覺…好掛住你哋！我希望我哋透過音樂、信念，繼續將喺香港做的事，繼續發展出去！」
接着唱出《是你令我再次心跳》，歌迷即起哄大叫「我愛你！」、「Supper努力！撐你！」唱到《幸福之歌》時，Sunny終於崩堤，被淚水沉沒，邊抹淚邊唱；台下不少歌迷都被打動得跟着他一同落淚。