鄭俊弘2周喪減18磅備戰拳擊賽 吳業坤甩13磅意志膽量兼備

將於周一（28日）晚起首播一連5集的TVB J2全新奧運特備節目《明星運動會前哨戰：Fight盡》，以真人Show形式播出各拳擊參賽者備戰決賽實況。
是次賽事分男子組及女子組以分級制進行，賽事分「58公斤」、「60公斤」、「70公斤」及「78公斤」共四個組別進行比賽，為了爭取進入最能增加勝算的組別，各參賽者各出奇謀瘋狂減磅，當中以鄭俊弘（Fred）的餐單及操練schedule最為「地獄」，短短2星期內極速減掉18磅，連Fred亦直認是逼不得已及切勿模仿。

Fred說：「啱啱開始就一日兩餐，主要食魚或者雞胸加烚菜，頭嗰個星期都有少少調味料嘅。有時我會飲蛋白飲代替正餐，加幾湯匙麥皮同香蕉打埋一齊嚟飲。最後一個星期就再辛苦啲，每日只食一餐！」雖然吸收能量少於常人，但Fred依然喪操增肌，十分地獄：「第一個星期練拳大概每朝三小時，夜晚跑步一小時，去到最後一個星期就每日練兩次拳，再加埋跑步同跳繩。」他又謂為了成功脫水，上磅前最後兩天幾乎滴水不沾，又經常浸熱水浴甩水：「兩星期落18磅係極端啲，過程真係相當辛苦同埋真係唔健康嘅，大家千祈唔好學。」

曾成功操出健碩腹肌的吳業坤，在集訓期間獲隊友及教練大讚「有態」兼被形容為擅長反撲兼突襲的「猛獸」，看似頗有勝算。明顯一日瘦過一日的坤哥，透露備戰期間以「186飲食」減肥法，成功在2星期內減掉6公斤（13磅），「戰績」不輸阿Fred。本身兼具踢拳道及空手道經驗的坤哥，無論操練與甩水策略均與Fred無異，他透露除了意志力，最重要是膽量：「要訓練自己唔怕拳頭，唔怕創傷之餘仲要識得反擊，呢個係難度。我意志係OK嘅，因為以前練過腹肌。」他又解釋拼搏原因，是想看看舞台上與擂台上的吳業坤會有甚麼不一樣。