MIRROR成員靚仔擔當　Frankie搞到小儀梁嘉琪變花癡

2021-06-26 11:00

MIRROR成員近期成為廣告界寵兒，瘋狂出席活動同拍廣告。呢日輪到向來被喻為隊中靚仔擔當，但因工作機會不多而令大家有啲擔心嘅Frankie（暱稱皮皮），仲要同早前合作過《考有feel》的小儀，仲有初次合作嘅梁嘉琪一齊拍攝。

小儀在社交平台貼出跟皮皮和嘉琪合照，仲寫道：「Yeah，今日同2個皮拍咗啲嘢！涼瓜皮同皮皮！期待作品快啲出現！多謝客戶！❤️❤️❤️」不過最搞笑係兩個姐姐加埋網民齊齊變花癡，讚靚仔之餘，嘉琪仲留言問小儀：「好偏心，我得一張相😆」小儀回：「😎😎」再寫：「你又唔留耐啲，咪可以影多啲囉！哼！」嘉琪再回：「重點係我冇同皮皮影二人相😌」小儀再覆：「你仲冇得攬添👻不過我都冇！！！」皮皮就加把口同嘉琪話：「叫大神幫手key up😆😆」之後皮皮亦好識做留言話：「同@kittyyuen做野真係好開心😘@kakikakileung都係呀！hahaha」網民見小儀瘋狂回應「皮皮好靚仔」同埋「皮皮點解可以咁靚仔」等問題後，可以懷疑身為Edan「正印」的小儀變心，即追問她：「爵安定皮皮靚仔D？🤣🤣#皮皮真係好靚仔」小儀回覆：「嘩！你問@edanlui吖🤣🤣」網民再話：「我地相信正印係盲目既🤣🤣」小儀竟然回：「 🤫🤫😬😬」真係堅搞笑！