MIRROR成员靓仔担当　Frankie搞到小仪梁嘉琪变花痴

2021-06-26 11:00

MIRROR成员近期成为广告界宠儿，疯狂出席活动同拍广告。呢日轮到向来被喻为队中靓仔担当，但因工作机会不多而令大家有啲担心嘅Frankie（昵称皮皮），仲要同早前合作过《考有feel》的小仪，仲有初次合作嘅梁嘉琪一齐拍摄。

小仪在社交平台贴出跟皮皮和嘉琪合照，仲写道：「Yeah，今日同2个皮拍咗啲嘢！凉瓜皮同皮皮！期待作品快啲出现！多谢客户！❤️❤️❤️」不过最搞笑系两个姐姐加埋网民齐齐变花痴，赞靓仔之馀，嘉琪仲留言问小仪：「好偏心，我得一张相😆」小仪回：「😎😎」再写：「你又唔留耐啲，咪可以影多啲罗！哼！」嘉琪再回：「重点系我冇同皮皮影二人相😌」小仪再覆：「你仲冇得揽添👻不过我都冇！！！」皮皮就加把口同嘉琪话：「叫大神帮手key up😆😆」之后皮皮亦好识做留言话：「同@kittyyuen做野真系好开心😘@kakikakileung都系呀！hahaha」网民见小仪疯狂回应「皮皮好靓仔」同埋「皮皮点解可以咁靓仔」等问题后，可以怀疑身为Edan「正印」的小仪变心，即追问她：「爵安定皮皮靓仔D？🤣🤣#皮皮真系好靓仔」小仪回覆：「哗！你问@edanlui吖🤣🤣」网民再话：「我地相信正印系盲目既🤣🤣」小仪竟然回：「 🤫🤫😬😬」真系坚搞笑！