蘇志威難忘細女送DIY捕夢網 劉小慧呷醋囡囡讚爹哋比較和善

2021-06-19 19:33
囡囡10歲時送的DIY捕夢網父親節禮物,蘇志威現在仍保存著。
囡囡10歲時送的DIY捕夢網父親節禮物,蘇志威現在仍保存著。

蘇志威與太太劉小慧、細女蘇靖珺(Ina)為香港開電視拍攝父親節特輯。小慧與Ina率先炮製甜品冰火橙花年糕,向蘇志威送上窩心驚喜,品嚐後更讚不絕口給予100分。談及會怎樣慶祝父親節,蘇志威表示:「其實我哋一家人好少慶祝節日,我覺得只要每日開開心心咁過就已經可以!」
蘇志威坦言很難忘細女Ina數年前送贈的一份父親節禮物:「Ina未夠10歲嗰陣,親手製作咗一個捕夢網畀我,只要將佢掛喺床頭,瞓覺嘅時候就會舒服一啲,所以直到而家,個捕夢網都一直掛喺度,係我好鍾意嘅一份禮物!」

囡囡10歲時送的DIY捕夢網父親節禮物,蘇志威現在仍保存著。
囡囡10歲時送的DIY捕夢網父親節禮物,蘇志威現在仍保存著。
蘇志威話家裏好少慶祝節日,覺得只要每日開開心心已可以。
蘇志威話家裏好少慶祝節日,覺得只要每日開開心心已可以。

對父親蘇志威的感覺,Ina指對方比較和善,小慧聞言即笑說:「即係比起我嚟講,Daddy比較和善係咪?」至於蘇志威則大讚女兒:「我覺得佢好有時尚觸覺,尤其對美學呢方面!Ina好鍾意研究漢服,佢依家會喺屋企製作發簪,整好之後又會戴住問我哋靚唔靚,係一個好活潑同好有創意嘅小朋友!」

Ina、蘇志威與劉小慧
Ina、蘇志威與劉小慧

關鍵字

最新回應

關鍵字

相關新聞

熱門文章