與關智斌晒靚靚水著照似廣告 蔡卓妍撥水髮失手超爆笑

蔡卓妍（阿Sa）與關智斌（Kenny）向來老友鬼鬼，兩人感情十分好，過往多次相約去旅行。二人今日各自在社交網貼上在泳池中的甫士靚相。相中的Kenny大曬胸肌；穿上碎花圖案泳裝的阿Sa則大擺甫士，十足似拍廣告一樣靚。阿Sa留言：「好耐冇同陽光玩遊戲喇！#真係好鍾意同呢個人影相 #因為佢點影都靚」。
Kenny亦留言說：「昨晚數過我們一起去過旅行的城市，由最熱辣辣的曼谷、芭堤雅去到最冷的芬蘭赫爾辛基的聖誕老人村，原來我倆都走了半個地球。今日再加一站 #正蔡妍與刀疤斌。」不少網民大讚兩人好襯又靚仔、靚女，就連鄭欣宜也留言說：「吓！？呢個唔係廣告黎（嚟）㗎喎！冇天理！兩個都可以靚到咁！」最搞笑導演彭秀慧留言指Kenny的胸肌中間有條公路，Kenny回應說：「男人好緊要的一條路。」林二汶亦留言：「個胸肌罅隙都相當闊身」。

隨後，阿Sa再上載二人在泳池中撥水髮的片段，片中最初慢鏡，Kenny先成功將水髮瀟洒向後一撥，但阿Sa頭髮較長，力度也稍弱，所以撥完仍有頭髮黐住塊面，現場爆笑聲不絕，阿Sa亦留言：「理想與現實嘅落差⋯ #點解 #究竟我做錯咗啲咩」！