星島日報

【調教你MIRROR】Tiger冇信心跳唱壓力大 Jeremy年初失單飛機會陷低潮

2021-06-11 11:00
Jeremy同Tiger都畀好多壓力自己。
Jeremy同Tiger都畀好多壓力自己。

ViuTV的《調教你MIRROR》昨晚播到第4集,經理人花姐覺得Tiger(邱傲然)不夠上進心:「睇完佢《造星》第一Round跳拉丁舞,我已經覺得呢個男仔勁Charm,但佢的確有好多缺點。隱形、成日唔出聲、表演又唔係最落力,畀晒機會佢企中間都唔要。」今年22歲的Tiger是隊中最年輕成員,因而經常想先讓機會給其他人,令花姐心痛又激氣,「如果幾年後MIRROR唔紅,你就冇機會表現自己,冇得等㗎!」她期望Tiger可以更加Aggressive(進取)。

梁祖堯(祖祖)為一眾鏡仔安排演唱會,讓各人在學習和音前都有Solo機會。祖祖認為:「大家都想做一個作品嘅Center,有獨特表現。所以先要學和音,因為做咩位都係咁重要。」Tiger選唱張國榮的《今生今世》,他自爆好緊張:「最大感覺係緊張,唔知點解,紅館做嘉賓都試過啦!好少喺11個兄弟面前咁樣唱歌,當人哋同自己都有期望,就更加有壓力。」Tiger更表示就算是擅長的跳舞也一樣。祖祖希望他「畀多啲信心自己,一唱就Feel到好緊張」。

Tiger最後在學唱歌環節主動爭取唱多次,而且大有進步,獲祖祖讚他悟性好高。祖祖昨晚亦更新其「一日一鏡仔」系列的Tiger篇,他上載自己親自錄影,對方在節目中唱歌的片段表示:「老虎係個old soul,年紀輕輕又穩重又成熟。認識咗佢嘅父母之後,我就明白了。呢一對非一般嘅父母,信任佢,畀佢經歷畀佢飛,就成就左呢一個咁有才啦,又咁孝順嘅孩子。呢條片,其實係送給虎媽媽的^_^多謝你的招待,好期待再來你家食飯呀。」

Jeremy見到隊友Jer奪《叱吒》新人金獎後燃起Solo欲望;跳開拉丁舞的Tiger現時跳唱都有壓力。
Jeremy見到隊友Jer奪《叱吒》新人金獎後燃起Solo欲望;跳開拉丁舞的Tiger現時跳唱都有壓力。

另外花姐又透露曾想讓Jeremy(李駿傑)單飛:「其實每年我都會揀人下一年年頭Solo,2020年新年我同Jeremy講,其實我有考慮2021年年頭畀你單飛,不過你仲有啲不足,要改善我先可以捧你。佢當時好興奮好開心,但最後都做唔到要求。其實唔代表冇機會,不過可能唔係今年,跟住佢就陷入第二次低潮。」

花姐續指:「我覺得佢好啱單飛,但如果改唔到缺點係好冒險。例如佢行妖路線OK,但身形唔算非常好;高音好好,但把聲好薄,如果一個人唱晒成首歌會好刺耳。佢唱歌好聽,但唔可以持久咁聽。加上機會問題,可能唔太好彩,於是佢暫時冇單飛機會。」祖祖在Jeremy演唱時也拖實他表示支持。

Jeremy自覺唱得不差,不明白為何沒有機會:「慢慢發覺MIRROR入面有Solo同冇Solo成員差距愈嚟愈大,令我有好多負面情緒。頭兩年我對單飛冇咩概念,到咗今年開始有呢個欲望,見到阿Jer(柳應廷)喺《叱吒》台上拎男新人金獎嗰刻,我都想試吓做到,話畀人知我係MIRROR嘅Jeremy。」

Jeremy見到隊友Jer奪《叱吒》新人金獎後燃起Solo欲望;跳開拉丁舞的Tiger現時跳唱都有壓力。
Jeremy見到隊友Jer奪《叱吒》新人金獎後燃起Solo欲望;跳開拉丁舞的Tiger現時跳唱都有壓力。
祖祖希望Tiger多啲信心。
祖祖希望Tiger多啲信心。

較擅長跳舞的Alton(王智德)都表示有少少緊張:「狀態未去到好放鬆,大家都係選秀節目出身,一嚟就有演唱會、有好多人支持,個Pace(步調)係快過我哋成長。希望可以調教實力,各方面都要成長。」Frankie(陳瑞輝)就表示:「克服咗少少唱歌陰影,但都係冇咩信心,因為而家聽得出自己有咩缺點。唱歌一開始對我係包袱,但做MIRROR又一定要唱歌,而家慢慢欣賞同鐘意呢件事。」

Stanley(邱士縉)就獲祖祖大讚「唱歌把聲好聽」,更笑指要他用唱歌聲講嘢。單飛原來不是Lokman(楊樂文)的首要目標:「唱歌冇咩信心係真嘅,可能我冇諗過用歌聲做主打。比起Solo,我更想兩三個人出一首歌,一齊玩力量更大更豐富。」他又自覺唱歌不夠好,所以才要在MIRROR負責Rap部分。已有機會單飛的姜濤、Ian(陳卓賢)、Anson Lo(盧瀚霆)、Anson Kong(江𤒹生)、Jer及Edan(呂爵安)表演時則明顯比較自在。

Tiger最後在學唱歌環節主動爭取唱多次。
Tiger最後在學唱歌環節主動爭取唱多次。
Tiger表示想唱《今生今世》送給媽媽。
Tiger表示想唱《今生今世》送給媽媽。
祖祖在Jeremy演唱時拖實他表示支持。
祖祖在Jeremy演唱時拖實他表示支持。
Jeremy好想單飛,奈何暫時未有機會。
Jeremy好想單飛,奈何暫時未有機會。
Alton表示有少少緊張。
Alton表示有少少緊張。
Frankie慢慢欣賞同鐘意唱歌。
Frankie慢慢欣賞同鐘意唱歌。
Stanley獲讚「唱歌把聲好聽」。
Stanley獲讚「唱歌把聲好聽」。
Lokman最想以分隊形式出歌。
Lokman最想以分隊形式出歌。
姜濤2019年單飛。
姜濤2019年單飛。
Ian在2019年Solo出道。
Ian在2019年Solo出道。
Jer去年2月單飛。
Jer去年2月單飛。
Anson Kong去年2月Solo。
Anson Kong去年2月Solo。
Anson Lo去年2月第一次出個人歌曲。
Anson Lo去年2月第一次出個人歌曲。
Edan今年1月推出個人作品。
Edan今年1月推出個人作品。
Jer在《2020叱吒》奪新人金獎。
Jer在《2020叱吒》奪新人金獎。
Tiger跳拉丁舞出身。
Tiger跳拉丁舞出身。
祖祖IG全文
祖祖IG全文

最新回應

關鍵字

相關新聞

熱門文章