【调教你MIRROR】Tiger冇信心跳唱压力大 Jeremy年初失单飞机会陷低潮

ViuTV的《调教你MIRROR》昨晚播到第4集，经理人花姐觉得Tiger（邱傲然）不够上进心：「睇完佢《造星》第一Round跳拉丁舞，我已经觉得呢个男仔劲Charm，但佢的确有好多缺点。隐形、成日唔出声、表演又唔系最落力，畀晒机会佢企中间都唔要。」今年22岁的Tiger是队中最年轻成员，因而经常想先让机会给其他人，令花姐心痛又激气，「如果几年后MIRROR唔红，你就冇机会表现自己，冇得等㗎！」她期望Tiger可以更加Aggressive（进取）。

梁祖尧（祖祖）为一众镜仔安排演唱会，让各人在学习和音前都有Solo机会。祖祖认为：「大家都想做一个作品嘅Center，有独特表现。所以先要学和音，因为做咩位都系咁重要。」Tiger选唱张国荣的《今生今世》，他自爆好紧张：「最大感觉系紧张，唔知点解，红馆做嘉宾都试过啦！好少喺11个兄弟面前咁样唱歌，当人哋同自己都有期望，就更加有压力。」Tiger更表示就算是擅长的跳舞也一样。祖祖希望他「畀多啲信心自己，一唱就Feel到好紧张」。

Tiger最后在学唱歌环节主动争取唱多次，而且大有进步，获祖祖赞他悟性好高。祖祖昨晚亦更新其「一日一镜仔」系列的Tiger篇，他上载自己亲自录影，对方在节目中唱歌的片段表示：「老虎系个old soul，年纪轻轻又稳重又成熟。认识咗佢嘅父母之后，我就明白了。呢一对非一般嘅父母，信任佢，畀佢经历畀佢飞，就成就左呢一个咁有才啦，又咁孝顺嘅孩子。呢条片，其实系送给虎妈妈的^_^多谢你的招待，好期待再来你家食饭呀。」

另外花姐又透露曾想让Jeremy（李骏杰）单飞：「其实每年我都会拣人下一年年头Solo，2020年新年我同Jeremy讲，其实我有考虑2021年年头畀你单飞，不过你仲有啲不足，要改善我先可以捧你。佢当时好兴奋好开心，但最后都做唔到要求。其实唔代表冇机会，不过可能唔系今年，跟住佢就陷入第二次低潮。」

花姐续指：「我觉得佢好啱单飞，但如果改唔到缺点系好冒险。例如佢行妖路线OK，但身形唔算非常好；高音好好，但把声好薄，如果一个人唱晒成首歌会好刺耳。佢唱歌好听，但唔可以持久咁听。加上机会问题，可能唔太好彩，于是佢暂时冇单飞机会。」祖祖在Jeremy演唱时也拖实他表示支持。

Jeremy自觉唱得不差，不明白为何没有机会：「慢慢发觉MIRROR入面有Solo同冇Solo成员差距愈嚟愈大，令我有好多负面情绪。头两年我对单飞冇咩概念，到咗今年开始有呢个欲望，见到阿Jer（柳应廷）喺《叱吒》台上拎男新人金奖嗰刻，我都想试吓做到，话畀人知我系MIRROR嘅Jeremy。」

较擅长跳舞的Alton（王智德）都表示有少少紧张：「状态未去到好放松，大家都系选秀节目出身，一嚟就有演唱会、有好多人支持，个Pace（步调）系快过我哋成长。希望可以调教实力，各方面都要成长。」Frankie（陈瑞辉）就表示：「克服咗少少唱歌阴影，但都系冇咩信心，因为而家听得出自己有咩缺点。唱歌一开始对我系包袱，但做MIRROR又一定要唱歌，而家慢慢欣赏同钟意呢件事。」

Stanley（邱士缙）就获祖祖大赞「唱歌把声好听」，更笑指要他用唱歌声讲嘢。单飞原来不是Lokman（杨乐文）的首要目标：「唱歌冇咩信心系真嘅，可能我冇谂过用歌声做主打。比起Solo，我更想两三个人出一首歌，一齐玩力量更大更丰富。」他又自觉唱歌不够好，所以才要在MIRROR负责Rap部分。已有机会单飞的姜涛、Ian（陈卓贤）、Anson Lo（卢瀚霆）、Anson Kong（江𤒹生）、Jer及Edan（吕爵安）表演时则明显比较自在。