林家謙自彈自唱 Serrini掛住睇姜濤Ian：冇睇佢啦

「歡喜冤家」林家謙與Serrini受訪時繼續互窒，Serrini狂讚姜濤及Ian（陳卓賢）可愛，又澄清拖Ian手前有問准花姐，更爆緊張得手心冒汗。笑問曾自認是「柳柳粉」的她是否拋棄Jer（​柳應廷）？她即改口說：「其實個個都可愛，仲有Anson Lo！」雖然Serrini指家謙不是可愛名單之列，但促請家謙盡快開騷，皆因想看到家謙如Edan（呂爵安）一樣以「鋼琴王子」Look升上台。談到家謙剛才也有自彈自唱，Serrini竟說：「今晚冇睇佢啦！梗係睇姜濤同Ian啦！」
家謙則自爆遇上「鋼琴大災難」，出場後才發覺音調與Band不同，滿腦子都是如何轉Key，忘記歌詞，直呼過程恐怖！至於會否如Serrini所願開騷？家謙笑說：「相信有生之年都未必有機會，除了9月的拉闊音樂會，稍後也會做其他人的演唱會嘉賓，或者Serrini開騷都有我呢！（唔收錢都做？）當然不會啦！佢千祈唔好肉償呀，唔想沾污Serrini！」