小朋友留家抗疫唔怕悶 林志穎豪宅露台搭帳篷扮露營

台灣新冠肺炎疫情持續，今日新增583宗本土個案。由於已停課近一個月，好多在職家長都叫晒救命。46歲「不老男神」林志穎就冇呢個煩惱，因為佢有米，喺台北市新興的十大豪宅之一「國美大真」擁有兩個相連頂層單位，價值1.25億港元，地方大，又有工人，小朋友喺屋企玩玩具悶悶哋，可以喺露台搭個帳篷扮露營野餐，抗疫期間足不出戶都唔會悶啦。

林志穎的5歲的孖仔(林旋穎)Jenson和(林旋恩)Kyson就玩扮露營玩得好開心，因為大把嘢食，有車厘子、提子、藍莓、柑仲有意粉，你哋就好啦。