香港拍戲過31歲牛一 大馬女神林明禎送吻錫爆Fans

繼電影《救殭清道夫》、《一秒拳王》後，大馬女神林明禎又再次來港拍港產片。早前喺香港結束隔離嘅佢，已經開始進行陳詠燊執導的新電影拍攝工作，忙碌之中更抽時間力撐老友Tonick成員趙善恆（恆仔），出鏡拍攝Tonick嘅演唱會宣傳短片！

前日（31日）係明禎的31歲生日，佢上載向鏡頭送吻影片、多張慶生及蛋糕相到IG。搞笑將31歲寫成13歲生日嘅明禎留言：「今年的13歲生日在香港，好特別，好喜歡！一個人在這裡但有好多人的照顧，每天忙的很幸福。」由於明禎香吻影片只有短短兩秒所以不斷重複，女歌手吳汶芳搞笑留言被明禎錫到頭暈，相信一眾Fans睇到片都招架唔住！

明禎生日願望好簡單：「一樣大家的世界和平再和平，還有留言區滿滿滿的（蛋糕Emoji）。」IG仲有明禎露香肩切蛋糕嘅短片，相信明禎都慶祝咗好多次生日，大量網民祝上生日祝福。