怪母女露宿元朗後巷當街淋浴 自稱地主「成條街都係我老公嘅」

逆權侵佔？無綫節目《東張西望》接報一對母女長期霸佔元朗又新街一條後巷，周遭衛生環境惡劣，甚至形容「成條街都係我老公」、「地主係我老公」。在該大廈工作市民大吐苦水指，該兩母女會在後巷大小便，又會擅自取用水果舖的水喉當街洗頭、洗手腳，甚至直接拿來飲用，行為匪夷所思，懷疑是精神有異常。

大廈工作的吳小姐投訴指，一對年約50多歲及20多歲母女，近年才到後巷居住，大廈門口的石台階當成「梳化」，阻礙出入住客；居民黃小姐曾經驅趕母女，中年婦人反發難︰「依到係公眾地方，憑咩嘢要我哋行過啲呀？」

大廈外台階離奇遭人破壞，大廈在大閘門口加裝木板，阻止母女在門口佔據。而加裝圍板當日，惡婦竟向裝圍板的工入發爛，當街罵人，情緒激動！居民黃小姐稱，加裝木門圍封大閘後，出入都要打開扣木門的單車鎖，有次她伸手出去鎖門，就聽到有人大鬧︰「鎖鎖鎖！斬咗你隻手呀！」

黃小姐對惡婦的精神狀態感到擔心，「經常有人觸動到佢哋情緒，擔心唔知幾時佢哋會爆發，我都好驚！」同時透露曾目擊阿女在阿媽掩護下在後巷大小便。

主持人和攝製隊目擊母女和市民口角，母女聲稱自己是業主︰「你哋整爛嘢都無要你哋整返！」男子叫兩母女去報警，惡婦一於少理；主持於是訪問和她爭拗的裝修工人，「我嚟後巷攞返啲嘢，只係5分鐘，佢就係咁鬧！又話係業主法團，但佢又喺後巷瞓……」

惡婦聲稱是業主法團授權，又說獲得所謂地主授權，可以隨便在後巷生活。當被查問身世後婦人起初表現冷靜，辯稱不是露宿，是到上址找人。但主持稱影到「阿女」在晚上露宿時，惡婦即發難，「多餘啦！投拆係你哋作……」

惡婦起初聲稱，「我唔清楚，我同呢棟大廈唔識㗎……」，其後又改口「呢條又新街係我老公嘅！你哋走啦，條街我老公㗎！」此時惡婦帶埋阿女走過對面街的小食店，「呢間小食店係我老公開！我嚟睇舖。」主持向店主查詢，對方並不認識她們。

這對母女的身世未明，有街坊都會好心施捨食物，她們就會在後巷惡劣環境下將飯菜放地下吃。但有街坊稱有社工探視過母女二人，不過都被惡婦鬧走，堅持不用幫忙。