【維港會】港男結婚擬1.3萬租屯門新樓父力阻：有間公屋咪一齊住

2021-05-06 13:36

有港男指哥哥結婚，並打算以1.3萬元租住屯門新樓，卻遭父親反對。資料圖片（示意圖）

住屋問題一直困擾港人。有港男指自己一家四口居於320呎的公屋，近日哥哥結婚，打算以1.3萬元租住屯門新樓，卻遭父親反對指「有間公屋咪一齊住」，更經常「憎人富貴厭人貧」，令他感到十分難頂。

有男網民日前在網上討論區「連登」上，以「我老豆都算係公屋廢老嘅代表人物」為題發文，指他與父母及哥哥同住320呎公屋，哥哥結婚並欲以1.3萬元，租住屯門一個鄰近鐵路、兩房的新樓單位。不過父親聞言後就大力反對：「話有間公屋咪一齊入嚟住，生埋仔方便照顧，幾多人恨都恨唔到」，直指「租新樓扮晒嘢」，又稱他有朋友以8,000元租住荃灣西萬景峰一個兩房單位，因此以1.3萬租屯門單位很傻。

樓主又分享，曾有親戚抽中長沙灣凱樂苑一個大單位，以公屋換居屋，就被父親嘲笑「扮晒嘢，睇唔起公屋」，又周圍向人提起此事；另外，有鄰居以30多萬元裝修公屋，父親又取笑對方。樓主坦言難頂父親的行為：「佢成日同人講政府最大收入係靠公屋收租，成日鬧廢青大學生嘥佢錢養。」

帖文引起網民熱議，不少人都批評樓主父親的想法及行為，「越低水平的人越自我膨漲」、「憎人富貴厭人貧」，甚至勸樓主盡快離開這個家庭。不過亦有網民認為「知足常樂，有得住算好」、「咁又真係好多人恨公屋都恨唔到」、「住公屋得天下」。

資料來源：「連登」