帶埋囝囝返洛杉磯生活 樂基兒素顏玩水冇走樣

17年，名模樂基兒（Gaile）再婚，下嫁圈外食品大亨男友Ian，19年誕下兒子朱樂其（Hunter）。榮升媽媽後的Gaile份人Open咗，社交網多咗Po囝囝嘢，方便紀錄囝囝成長點滴，好事嚟嘅。

五月中，Gaile上載一張喺機場嘅自拍，推住BB車嘅佢留言同大家講再見，仲話會好掛住香港，隔咗冇耐見佢打咭自己喺洛杉磯，離開香港一身鬆晒，Gaile即刻去遊水又狂曬太陽，見佢抱住囝囝同其它小朋友玩得好開心，仲唔介意素顏樣曝光，你就好啦。