【Juicy叮】網購平台賣家用4層包1小玻璃樽 港女批嘥運費
2021-05-28 16:38 
大家網購易碎物品時，賣家大多都會使用多重包裝，以免貨物在運輸途中有損毀情況。不過日前就有港女表示，指網購平台賣家補寄一個小型玻璃樽時，竟用了4層包裝，本來只有15克重量的貨品瞬間變成1.3公斤，令她要多付運費！
有女網民在社交媒體Facebook群組「淘寶開心share」發文，指日前收到一件大盒集運包裹，拆開第一層時發現內裡有一個風筒包裝盒，拆開第二層發現盒內有一個包著泡泡紙的圓桶形物品，拆開泡泡紙發現一個以紙皮包著的筒形物件。樓主拆開最後一層紙皮後，才發現貨品是「淘寶」賣家補發、一個5厘米的「玻璃波波樽」。
樓主解釋，早前從「淘寶」購入一個花瓶連架組合，但收貨時不慎將其中一個玻璃樽打爛，遂向賣家要求補寄。她憶述：「之前佢寄時都係勁多Bubble（泡泡）膠包，仲狂包封箱膠紙」，卻沒想到對方是次的包裝方法如此「誇張」，令貨品的重量由15克增至1.3公斤，最終更直接以兩公斤計算運費。她不禁揶揄對方「都好有誠意」，直言「呢個（玻璃樽）中間有窿吊住的設計，要喺香港配番都幾難，焗住嘥運費！」
帖文引起不少網民熱議，不少人都認為賣家只是想多重保障，紛紛批評樓主的投訴無理，「包少啲爛咗又俾你話」、「集運其實都係幾蚊1 kg啫，不足1 kg都照當1 kg計㗎啦，包得咁穩陣都要計較，做你生意真係幾難」、「佢驚再爛，所以今次做多重保障」。
不過亦有網民批評賣家的包裝方法並不環保，建議事主網購前考慮對環境的傷害，「超級唔環保，啲咁平嘅玻璃樽慳得幾多？你可能話香港買唔到，但呢個代價唔係你去付，係大家嘅後代」。
資料來源：「淘寶開心share」FB
最新回應