做《聲夢》導師壓力大飯都冇食 泳兒胃炎入院又暈又嘔
2021-05-26 10:00 
泳兒昨晚為《勁歌金曲》錄影，她透露最近因見暈而兩度入院：「原來係胃炎，入院順便照埋胃鏡同腸鏡當身體檢查，之後睇埋中醫，雙管齊下先有好轉。」笑問38歲的她是否害喜？泳兒搞笑說：「每次話想嘔，都會有同事恭喜我，我唯獨冇Check呢方面，因為應該安全！（男友有冇懷疑？）佢可能會擔心，哈哈！（未夠3個月唔講得？）大家諗多咗喇！」
忙拍《聲夢傳奇》的泳兒表示最近無暇休息：「掛住幫學員揀歌，連飯都冇食，可能因為做導師壓力太大！」又笑指如果有名醫可以介紹給她。
關鍵字
最新回應