【Juicy叮】打工仔「穿櫃桶底」 被炒後「扮無辜」抹黑上司

職場是非多，近日有網民分享指，有一名同事因為虧空公款而被新上司解僱，該名同事事後更到處抹黑新上司，令網民慨嘆「知人口面不知心」。

該名網民向FB專頁「奴工處」投稿，指公司有一名新同事及新上司入職，豈料過了一個月後，該名新同事就被新上司以「行為不當」為由解僱了。而事後新同事更向事主哭訴，「話新上司無講咩原因炒佢，話新上司份人好有問題，自己根本無做錯，叫我小心啲，搞到我好驚個上司」。

原本以為事情就此告一段落，沒想到事隔2個月後，事主從其他同事的口中得知箇中真相，「個同事突然爆俾我知，原來新同事穿櫃桶底被佢發現，係佢匯報俾上司知，上司無報警就咁炒咗佢算，同時都無周圍唱佢」。事主得知真相後十分震驚，直斥被解職的同事明知犯錯還到處抹黑人，又指上司為人亦算厚道。

帖文引起網民討論，有網民慨嘆「知人口面不知心啊」，亦有網民提醒指職場是非要小心處理，「是非嘅嘢聽完就算，就算知道都唔出聲」、「出嚟打工唔好咩都聽人講，人云亦云」。

資料來源：FB專頁「奴工處」