【Juicy叮】網民憂冷氣直吹額頭 裝檔風板或令樓上地下濕晒被轟自私

立夏後天氣開始炎熱，冷氣機成為生活中的必須品。而近日一名網民在網上分享指，購入了冷氣檔風板，令冷氣出風時不會再直吹額頭，但竟惹來不少網民批評她自私，因此舉有機會令樓上的地板出現冷凝水問題，令住戶不便。

該名網民於Facebook群組「淘寶開心share」上分享，指自己在淘寶買了一塊冷氣檔風板，並指「瞓喺張床度終於唔洗被風直吹額頭了」。

但是樓主卻引來不少網民批評自私，「不要把冷氣向天花吹，你樓上單位地板好濕，做人不要只顧自己」、「全部封住，吹晒上天花，樓上隨時都地下濕曬喎，又全擋出風，有咩用？都幾損人不利己，裝嚟有咩用？」、「你這樣吹，你樓上好多謝你」等。

亦有人分享自身經歷，「之前我樓下就係將個冷氣風口向上，搞到我地下長期濕，牆壁都發晒霉」、「我樓下條粉腸之前就係成日將個冷氣風口向上吹搞到我屋企個地板有水氣，奶奶就係比呢啲水氣搞到跣親跌斷手骨」。

資料來源：淘寶開心share Facebook