【Juicy叮】嫌新樓落地玻璃驚跌落街 畏高男：長期係咁會心臟病

玻璃幕牆設計近二十年從商廈擴展至住宅，不過有畏高網民在「香港討論區」發文，抱怨新樓的落地玻璃設計好恐怖，感覺好似會跌落街，形容長住會心臟病。

網民形容，「對畏高症人來講，成幅落地玻璃的單位真係住到唔舒服，企係玻璃邊感覺上好似個人隨時會趺出去，好無安全感，長期係咁真係會心臟病」。他又指，住低層雖無高層恐怖，「但無晒私隱俾街外人睇到你屋企活動」。

他親身體驗，去過朋友家，「企係落地玻璃真係好熱又曬，夏天佢會長期開冷氣兼拉簾...尤其是依家露台又細又窄又唔畀加高，有次去朋友土瓜灣某豪宅屋企，三十樓，行出去個露台嚇到我腳軟」。他認為，現在的新樓無必要應用落地玻璃，「去返七八十年代咁仲好，好似太子道西亞皆老街啲單位仲住得舒服！」

有網民認同，「自從山竹，見識過如此勁的颱風後，對落地玻璃的設計就有了戒心。」、「平時唔驚，打風真係驚，驚塊玻璃會爆」、「有次九龍城高層落地玻璃睇樓，望出去就見到一片唐樓天台，真懷疑自己住天台，感覺唔好。而且落地玻璃你唔會放嘢，變相少佐地方用。而且每次行近真有跳樓feel，命都短幾年」。


也有人指出，「最最最唔方便係玻璃污糟要等吊船期先有人清潔，落完雨啲水漬，如曬乾咗就有酸雨漬，自己想抹都抹唔倒。」、「落地玻璃搭唔到棚 ， 要維修冷氣就麻煩 ！焗你用吊船，貴貴都要畀。」

帖文轉載自《落地玻璃好恐怖！》