夫婦踩入潮界舉行藝術展　林夏薇受老公影響愛儲模型

繼早年創立飲食王國後，近日林夏薇（薇薇）與老公莫贊生又踩入潮界，引入多用途潮流藝術精品，並於尖沙咀K11 Musea舉行為期一個月的藝術展覽。日前二人突襲展覽現場，率先欣賞從西班牙空運抵港的潮流藝術精品Juanín，再度榮升老闆娘的薇薇更即場化身導覽員：「Juanín由西班牙藝術家Edgar Plans為致敬其作家父親所創作，當中粉紅色特別版係佢喺囡囡身上得到靈感而設計；每隻公仔都揸住本書，鼓勵小朋友多閱讀，從而啟發思考、產生天馬行空嘅諗法。」並稱他們為潮流藝術品加入加密防偽技術，令產品更為保值和珍貴。

談到受老公影響而愛上潮流模型，薇薇表示兩公婆會一齊儲，家中仲有不同種類的「寶物」，她說：「唔同階段都有唔同嘅收藏品，細個嘅時候身邊朋友最鍾意買毛公仔，我反而鍾意儲龍珠閃卡，而家睇番都覺得好靚！之後儲過唔同款式嘅香水樽；再大個啲就儲潮流藝術品，如果大家有留意我嘅IG，就會發現我屋企有好多1:1嘅人型模型。」