個人名下「蟲草成名」爆冷贏頭馬 米雪親到馬房餵飼愛駒作獎勵

「星級馬主」米雪（原名嚴惠玲）早年跟已故男友尹志強擁有名下賽駒「晨曦映雪」，其後跟苗僑偉、蘇志威、譚健業大律師等組成御精英團體，合夥持有團體名下愛駒「蟲草之星」和「蟲草之凰」，而早前宣佈退役的「蟲草之星」更每季皆有馬贏，相當有養馬運！最近，米雪又以個人名義中籤當馬主，其名下最新一駒為來自澳洲的兩歲新馬「蟲草成名」，本月初「蟲草成名」更爆出108倍大冷掄元！

不過，當日卻未見米雪入場拉頭馬，未知是否忙為有份演出的TVB劇《逆天奇案》做宣傳呢？日前，米雪也特意到馬房探愛駒「蟲草成名」，其間餵飼馬匹又摸摸，愛駒都親親米雪撒嬌，𠱁得米雪好開心，她大讚「Good boy」又謂：「呢個成名好叻仔，Very smart，試一次就跑喇。」對於經常以「蟲草」命名賽駒，米雪笑稱：「只係一班朋友一齊玩，鍾意叫『蟲草』等聲勢強啲啫。隻馬兩歲已經跑第一，真係好開心！」並透露下月初將赴內地拍戲。