《毒魔：血戰大屠殺》預告曝光 毒魔同湯哈迪齊煮早餐玩溫馨

首集全球票房大收超過八億美元(約62億港元)，並成為影史歷來10月開畫票房冠軍。湯哈迪再度回歸飾演MARVEL最人氣反英雄毒魔，於續集《毒魔：血戰大屠殺》大戰最強宿敵血魔。今年9月，香港震撼上映，電影預告全球亦同步曝光。

預告開頭玩貼近生活，已經同毒魔共生的湯哈迪一齊煮早餐，但毒魔明顯玩住煮搞到廚房大亂，唧茄汁更唧到湯哈迪一身都係，鬧又唔係真吹脹。之後兩人一齊去超市買嘢，毒魔仲會同舖頭阿姐用國語講「晚上好」，幾搞笑。

之後輪到奸角活地夏里遜（Woody Harrelson）蒲頭，他在監獄被強硬啪針變成「血蜘蛛」（Carnage），更與毒魔對決。