又開迷之直播4000人捧場 窪塚洋介清酒溝威士忌醉爆狂笑

41歲的日本型男演員窪塚洋介近年影視作品唔多，但因為潮人身份，所以深受時裝品牌歡迎，曝光率唔差，拍住17歲大仔窪塚愛流更長霸Fashion雜誌版面。窪塚入行26年，04年曾經從9樓跌落街大難不死，近年佢久不久就會喺IG開直播，每次都飲到醉晒，試過醉到瞓着但冇停直播，搞到第二朝大仔發現先至結束。

尋晚窪塚又開Live，都話佢從來唔會令Fans失望，冇錯，佢又飲醉，今次仲要係紅酒溝清酒溝威士忌，死得，見佢又笑又跳舞又做好多古怪表情又係咁食煙，都知佢清醒程度係零，佢話好開心，係咁笑係咁笑係咁笑，有近4000網友睇佢笑都真係幾好笑。