【公開擇偶條件】嫌冇安全感唔吼小鮮肉　鄧月平最愛大隻煮家男

2021-05-04 18:40

鄧月平今日到鰂魚涌為香港開電視節目《一秒廚神》錄影，節目中有機會在法國藍帶廚師旁偷師，她煮了一味以十多種香料炮製而成的咖喱雞。問到有否興趣考藍帶廚師證書？鄧月平表示，有時間的話會學一下，但近日忙為新歌宣傳又要為電影《惡行之外》開工。

談到正籌備為新歌《戰國》拍MV，鄧月平透露打算找多些男生拍攝，笑問是否找多些「小鮮肉」？她笑道：「我鍾意壯男多啲，小鮮肉冇安全感，我要搵一啲高大健碩嘅男士，哈哈！」愛煮食的鄧月平又稱，在現實生活中找男友的話，懂得煮食的一定會加分，她說：「試想想，佢帶住自己煮嘅食物嚟探班嘅話，幾咁開心呢！可惜到而家都冇。」