【拋胸文青】帶嬲嬲樣愛貓去Cafe打卡　樂宜右胸現黑影疑走光：是陰影

人稱「IG女神」的樂宜經常於社交網大方晒身材，熱愛戶外活動的她近日就做一日文青，帶埋愛貓Momo去大埔植物園的Cafe打卡，事後亦連番於IG開心Share靚相。呢間餐廳設計好Vintage，內裏仲佈滿綠色植物，樂宜抱住「主子」周圍影之餘，自己都拍下唔少寫真；而身穿牛仔工人褲襯白色Tube top的她，還露出34C深長事業線，其中一張坐在圓枱前的獨照，由於Tube top跣到勁低，加上右胸出現「奇怪黑影」，極似走光，所以樂宜都先發制人，刻意在留言Hashtag「為免留言說我好像走光」、「我要先澄清一下是陰影」、「不要ff」，並寫道：「又想穿得型格，但又想帶點溫柔😹😹結果就變成這樣～」

估計樂宜帶定另一套衫去換。在同一場景，換上黑色低胸小背心趁熱褲的她，抱住Momo坐在鋼琴前留影，之後仲放貓咪上鋼琴爬，不過Momo表情好不滿，仲瞓喺琴上唔願郁；被「鏟屎官」抱去沙發繼續影，心都累的Momo已經攰到瞇埋眼瞓覺，樂宜留言：「呢個係鄙視媽媽嘅眼神👀🌚，但都係好可愛😭。#媽媽心目中嘅寶貝 #😍 #嬲嬲都咁可愛。」