【維港會】搭新巴遇車長主動提乘客小心 網民大讚有禮：以為自己坐緊Uber

不少市民平日都會乘搭巴士代步，遇到服務態度良好的車長，旅程自然會更愉快。有網民上周末在「青衣街坊吹水會」facebook提到，自己乘搭新巴948巴士時遇到有禮車長，更點名稱讚這位「四眼哥哥仔」車長。「我坐樓上聽到個新巴司機見人落樓梯會叫人小心，仲會提人落車，超好禮貌，仲以為自己坐緊Uber 。」

有網民懷疑是否真有其事﹐事主堅稱是真人真事：「真㗎，起初以為巴士公司新裝感應裝置，原來係佢逐次叫。 」

參與討論的網民當中，有不少人認為近年入職，較年青的巴士車長都較為有禮，值得表揚。「打上巴士公司表揚佢。」 「個巴士司機要讚揚吓，好有愛心。」 「我都剛好坐果班，仲叫小朋友慢慢落，唔洗咁心急。」

不過，亦有網民認為，有禮的車長可能只佔少數，較多數車長態度仍然麻麻，並分享自己的不愉快經歷。「我好客氣問個司機邊度喺邊個站落車，個司機竟然咁樣嚟回應我！唔知喎！你自己睇個牌啦！ 」「我搭緊車時，我企著，架車行行吓，個司機又唔知咩事，突然間大大力一嘢dup停部車，呢種行為有啲司機就最興嘅！ 」

資料來源：青衣街坊吹水會